Җәмгыять 24 октябрь 2018 15:33

Казанга авиашоуга «Стрижи» төркеме килде

27 октябрьдә «Казан» Гаилә үзәге янындагы мәйданда югары пилотаж төркеме үз осталыкларын күрсәтәчәк.

Скопировать ссылку

(Казан, 24 октябрь, «Татар-информ»). Республика башкаласына "Стрижи" югары пилотаж авиацион төркеме «Контракт буенча хезмәт - синең сайлау» акциясендә катнашу өчен килде. Бу турыда Россия Гражданнар оборонасы эшләре, гадәттән тыш хәлләр һәм табигать бәла-казалары нәтиҗәләрен бетерү министрлыгы матбугат хезмәте хәбәр итә.

«Стрижи» Мәскәү өлкәсенең Кубинка авиабазасыннан Борисоглебск аэродромы территориясенә төштеләр. Биредә алар 4 көн тренировка очышлары ясаячак.

27 октябрьдә «Казан» Гаилә үзәге янындагы мәйдан өстендә авиация төркеме команда һәм ялгыз пилотажда үз осталыкларын күрсәтәчәк.

Акцияне Татарстан Республикасы Хөкүмәте ярдәмендә Россия Гражданнар оборонасы эшләре министрлыгы оештыра.

«Татар-информ» агентлыгы агитация акциясендә танылган башкаручы Натан чыгыш ясаячак, дип хәбәр иткән иде.

#армия #"стрижи"

Сәхифәләр

Казанга авиашоуга «Стрижи» төркеме килде