Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казандагы юлны су басу сәбәпле, троллейбусларның хәрәкәт схемасы үзгәргән
Казанда, катлаулы һава шартлары һәм юлларны су басу сәбәпле, троллейбуслар хәрәкәте схемасы үзгәрә. Сәлимҗанов урамындагы юл участогында су җыелып тору аркасында, 6,8,12 номерлы троллейбус маршрутлары яңача йөриячәк – хәзер алар Танк боҗрасында кире борыла, дип хәбәр итте «Метроэлектротранс».
«Пассажирлардан вакытлы маршрутка кермәгән тукталышларда транспортны көтеп тормауларын сорыйбыз. Бу уңайсызлыклар өчен гафу үтенәбез», – диелә хәбәрдә.
Исегезгә төшерәбез, Казанда һава торышы начар булу сәбәпле, юл хезмәткәрләре көчәйтелгән режимда эшли, ливневкаларны чистарта. Машина йөртүчеләрне сак булырга, трассага чыкмаска, тизлекне арттырмаска өндиләр. Һава торышы уңайсыз булганлыктан, Казан аэропортында берничә рейс тоткарланган. Гидрометеорология үзәге фаразынча, Татарстанда начар һава торышы якын көннәрдә дә сакланачак. 17 декабрьдән 19 декабрьгә кадәр айлык норманың яртысы диярлек явачак.
Кызыклы яңалыкларны күзәтеп бару өчен Телеграм-каналга язылыгыз