Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казандагы юл һәлакәтләрендә төп факторларның берсе – машина йөртүчеләрнең кагыйдә бозуы
Барлык юл-транспорт һәлакәтләренең 85-90 проценты машина йөртүчеләрнең кагыйдәләрне бозуы аркасында килеп чыга.
(Казан, 19 ноябрь, «Татар-информ»). Юл һәлакәтләрендә төп факторларның берсе – машина йөртүчеләрнең кагыйдәләрне бозуы, дип хәбәр итә Россия Эчке эшләр министрлыгы идарәсенең Казан шәһәре буенча ЮХИДИ бүлеге матбугат хезмәте.
Барлык юл-транспорт һәлакәтләренең 85-90 проценты нәкъ менә шул сәбәпле килеп чыга. Казанда теркәлгән һәр өч авариянең берсендә җәяүлеләр зыян күрә.
Шунысын да искәртик: җәяүлеләрнең юл йөрү кагыйдәләрен бозуы аркасында быел 200 авария килеп чыккан. Аларда 16 кеше һәлак булган, 190нан артыгы төрле тән җәрәхәтләре алган.
Быел полиция хезмәткәрләре җәяүлеләргә өстенлек бирмәгән 22,5 меңнән артык машина йөртүчене административ җаваплылыкка тарткан. Шушы ук чорда җәяүлеләр тарафыннан 64 меңгә якын юл йөрү кагыйдәсен бозу очрагы теркәлгән.
Кызыклы яңалыкларны күзәтеп бару өчен Телеграм-каналга язылыгыз