Казандагы юл һәлакәтендә «Лада»ның 22 яшьлек шоферы имгәнгән
Авария кичә кичке унынчы яртылар тирәсендә Оренбург трактында булган.
Скопировать ссылку
(Казан, 29 май, «Татар-информ»). Казанда унынчы модельле «Лада» һәм «ГАЗель» автомобильләре бәрелешү нәтиҗәсендә, җиңел машинаның 22 яшьлек шоферы имгәнгән.
Башлангыч мәгълүматларга караганда, «Лада» автомобиленең 22 яшьлек йөртүчесе, бер рәттән икенчесенә күчкән вакытта, янәшәдән барган «ГАЗель» белән бәрелешкән.
Нәтиҗәдә, «ГАЗель» яны белән әйләнгән, ә җиңел автомобиль тимер коймага бәрелгән.
Төрле тән җәрәхәтләре алган «Лада» шоферын хастаханәгә озатканнар.
