Мәдәният 11 декабрь 2023 10:11

Казандагы «Хәзинә» галереясы бер атнага якын бушлай эшләячәк

Скопировать ссылку

12-17 декабрьдә «Хәзинә» милли сәнгать галереясына бушлай барырга мөмкин булачак. Күргәзмә киңлегендә кунакларны дүшәмбедән тыш көн саен кабул итәләр. Акцияләр киләсе Яңа ел бәйрәмнәренә багышлана, дип хәбәр иттеләр ТР Дәүләт сынлы сәнгать музее матбугат хезмәтендә.

Хәзер «Хәзинә»дә алты экспозиция тәкъдим ителгән, алар арасында иконалар сәнгате техникасында эшләүче яшь авторлардан «Созерцание» күргәзмәсе дә бар. Баки Урманче әсәрләре күргәзмәсе рәссамның алтын коллекциясен күрсәтә.

Моннан тыш, ТР Дәүләт сынлы сәнгать музееның заманча сәнгать галереясында шул ук чорда керү билетына 50% ташлама гамәлдә булачак, ә «Пушкин картасы» ияләре күргәзмә киңлегенә икәүләшеп берәр билет белән керә алачак.

Заманча сәнгать галереясында хәзер зур күләмле «Перевернутое сафари. Современное искусство Африки» күргәзмәсе уза. Африканың заманча сәнгате, шулай ук «Шаһит күзләре белән махсус хәрби операция» экспозициясе ачыла. Учреждение дүшәмбедән тыш көн саен эшли.

Сәхифәләр

Казандагы «Хәзинә» галереясы бер атнага якын бушлай эшләячәк