Хәвеф-хәтәр 2 апрель 2019 17:14

Казандагы шәхси йортта дүрт бала һәм ике өлкән кеше ис газы белән агуланган

Кече Клыки бистәсендә булган вакыйганы Совет районы прокуратурасы тикшерә.

Скопировать ссылку

(Казан, 2 апрель, «Татар-информ»). Казанда күп балалы гаилә ис газы белән агуланган. Совет районы прокуратурасы әлеге хәлне тикшерә. Бу хакта Татарстан прокурорының өлкән ярдәмчесе Руслан Галиев хәбәр итте.

Бүген Кече Клыки бистәсендәге Зирекле урамында шәхси йортта дүрт бала һәм ике өлкән кеше исле газ белән агуланган. Аларның барысы да уртача дәрәҗәдәге агулану билгеләре белән хастаханәгә салынган.

«Күзәтчелек ведомствосы белгечләре бу аяныч хәлгә китергән сәбәпләрне ачыклый. Моннан тыш, газ белән тәэмин итү өлкәсен контрольдә тотучы органнар эшчәнлегенә хокукый бәя биреләчәк», - дип сөйләде Галиев.

Ул шулай ук хокук бозулар ачыкланган очракта тиешле чаралар күреләчәк, диде.

#ис газы #ис тигән

Сәхифәләр

Казандагы шәхси йортта дүрт бала һәм ике өлкән кеше ис газы белән агуланган