Казандагы саммит нәтиҗәләре буенча 13 дәүләт БРИКСның партнер илләре статусын алды
Скопировать ссылку
13 ил БРИКСның партнер дәүләтләре статусын алды. Казандагы саммитта шундый карар кабул ителде, анда берләшмә әгъзалары һәм оешмага керергә теләк белдерүчеләр катнашты.
Россия журналисты Владимир Соловьев телеграм-каналында хәбәр иткәнчә, Төркия, Казахстан, Үзбәкстан, Алжир, Белоруссия, Боливия, Куба, Индонезия, Малайзия, Нигерия, Таиланд, Уганда һәм Вьетнам БРИКСның партнерлары булган.
Искәртеп үтәбез, БРИКС саммиты Казанда 22-24 октябрьдә узды. Берләшмәдә әгъза булып торучы илләрнең лидерлары чараның соңгы көнендә «аутрич» / «БРИКС плюс» форматындагы утырышта катнашты. Анда Газа секторындагы гуманитар фаҗига, Россия чикләре янындагы кораллы низаг һәм Төркиядәге теракт хакында фикер алыштылар.