Казандагы сәүдә нокталарында грипптан прививка ясау өчен күчмә пунктлар ачылачак
Поликлиникаларда һәм метроның биш станциясе янында гриппка каршы прививка ясый башладылар.
Скопировать ссылку
(Казан, 11 сентябрь, «Татар-информ»). Казандагы сәүдә нокталарында гриппка каршы прививка ясау өчен күчмә пунктлар ачылачак. Бу хакта Татарстан Министрлар Кабинетында узган брифингта Татарстан сәламәтлек саклау министрының беренче урынбасары Сергей Осипов сөйләде.
«Безне үз территорияләренә кертсеннәр өчен, эре сәүдә үзәкләре белән сөйләшүләр бара», – диде министр урынбасары.
Хәзер гриппка каршы прививка ясау өчен күчмә пунктлар көн саен 10-17 сәгатьтләрдә «Авиатөзелеш», «Яшьлек», «Кәҗә бистәсе», «Җиңү проспекты» һәм «Имәнлек» метро станцияләрендә эшли.