Казандагы кунакханәгә шартлаткыч куелу турында хәбәр расланмаган
Гадәттән тыш хәл булган урынга экстрен хезмәт экипажлары җыелган.
Скопировать ссылку
(Казан, 28 февраль, "Татар-информ"). Бүген Казандагы "Корстон" кунакханәсендә шартлаткыч җайланма куелу турында билгесез кеше хәбәр биргән. Бу турыда "Татар-информ" агентлыгына үз чыганагы сөйләде.
"Этләр белән кинологлар килде. Шартлаткыч табылмады. Эвакуация булмады", - дип сөйләде чыганак.
Шаһитлар сүзләренчә, урынга экстрен хезмәт экипажлары җыелган.
