Хәвеф-хәтәр 10 сентябрь 2018 13:51

Казандагы авариядә бер яшьлек сабыйның баш мие селкенгән, әнисенең бармаклары өзелгән

14нче модель «Лада» автомобилен идарә итүче 25 яшьлек хатын-кыз Чистай урамындагы 55нче йорт каршында туктап торган «ГАЗель»гә килеп бәрелгән.

Скопировать ссылку

(Казан, 10 сентябрь, «Татар-информ»). Казандагы авариядә бер яшьлек сабыйның баш мие селкенгән, әнисенең бармаклары өзелгән. Бу хакта шәһәр Дәүләт автоинспекциясе хәбәр итә.

Кичә көндез 14нче модель «Лада» автомобилен идарә итүче 25 яшьлек хатын-кыз зур тизлектә Чистай урамындагы 55нче йорт каршында туктап торган «ГАЗель»гә килеп бәрелгән.

Нәтиҗәдә, «Лада» әйләнеп капланган, «ГАЗель» - «Приора»га, «Приора» исә «Рено»га килеп сыланган.

Авария нәтиҗәсендә хатын-кызның бармаклары өзелгән, ә салондагы бер яшьлек пассажирның баш мие селкенгән һәм күз кабагы яраланган.

Авария булган вакытта сабый креслода утырган.

#юл һәлакәте

Сәхифәләр

Казандагы авариядә бер яшьлек сабыйның баш мие селкенгән, әнисенең бармаклары өзелгән