Казанда «зебра»да машина 12 яшьлек велосипедчыны бәрдергән, бала хастаханәдә
Юл-транспорт һәлакәте бүген Ямашев проспектында була.
Скопировать ссылку
(Казан, 17 июль, «Татар-информ», Наталия Никифорова). Казанда җәяүлеләр юл кичүендә чит ил машинасы 12 яшьлек велосипедчыны бәрдергән, баланы хастаханәгә озатканнар. Бу хакта шәһәр автоинспекциясендә хәбәр иттеләр.
Бүген көндезге сәгать өчтә Ямашев проспектында «Тойота» шоферы «зебра»да юл бирмичә 12 яшьлек велосипедчыны бәрдергән. Малай җәяүлеләр кичүеннән велосипедында йөргән килеш чыга торган булган.
Һәлакәттә җәрәхәт алган баланы Балалар республика клиник хастаханәсенә озатканнар.