Җәмгыять 13 август 2021 15:59

Казанда заманча шигърият фестивалендә яңа татар басмалары тәкъдим ителәчәк

Биредә «Салават күпере», «Сабантуй», «Сөембикә», «Казан утлары», «Идел», «Чаян» журналларының яңа саннарын күреп була.

Скопировать ссылку

(Казан, 13 август, «Татар-информ»). «Татмедиа» чыгарган журналлар һәм китаплар, шулай ук татарча открыткалар заманча шигърият фестивалендә әдәби маркетта тәкъдим ителәчәк.

Оештыручылар хәбәр иткәнчә, фестиваль Казанның «Черек күл» паркында 14 августта көндезге уннан кичке сигезгә кадәр була.

Биредә татарча сканвордлар, балалар өчен татар телендә буягычлар була. «Татмедиа» чыгарган татарча китаплар белән беррәттән, танылган башкорт язучысы Айгиз Баймөхәммәтованың өр-яңа китабы да сатылачак.

«Салават күпере», «Сабантуй», «Сөембикә», «Казан утлары», «Идел», «Чаян» журналларының яңа саннары да тәкъдим ителәчәк.

Фестивальдә Мәскәүдән килгән шагыйрә А. Астахова чыгыш ясар, дип көтелә.

#“Сөембикә” журналы #Сабантуй #"Салават күпере" #"Казан утлары"

Сәхифәләр

Казанда заманча шигърият фестивалендә яңа татар басмалары тәкъдим ителәчәк