Казанда юлда барган килеш «Жигули» машинасына ут капкан
Фаҗигадә һәлак булучылар һәм зыян күрүчеләр юк.
Скопировать ссылку
(Казан, 31 декабрь, «Татар-информ», Полина Шевчук). Казанда яшь шофер идарә иткән «Жигули» машинасы юлдан барган вакытта двигателенә ут капкан. Бу хакта Россия Гадәттән тыш хәлләр министрлыгының Татарстан буенча идарәсенең матбугат хезмәтендә хәбәр иттеләр.
Кичә кичке бишләр тирәсендә, Рихард Зорге урамында 6 нчы модельле «Жигули» машинасының моторына ут капкан. 18 яшьлек йөртүче янгын сүндерүчеләр килгәнче утны үзе сүндерергә тырышкан.
Урынга килгән янгын сүндерүчеләр утны санаулы минутта сүндергән. Янгын машинаның шактый өлешен юкка чыгарган. Беркем дә зыян күрмәгән.