Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда "Юл хәрәкәте иминлеге атнасы" узачак
Чараның максаты – балаларның юл-транспорт имгәнүләрен кисәтү һәм мәктәп яннарында юл хәрәкәте иминлеген арттыру.
(Казан, 20 сентябрь, "Татар-информ"). 21-28 сентябрь көннәрендә Казанда "Юл хәрәкәте иминлеге атнасы" узачак. Бу хакта Эчке эшләр министрлыгының Татарстан буенча ЮХИДИ идарәсе матбугат хезмәте хәбәр итә.
Дәүләт автоинспекциясендә билгеләп үтүләренчә, бу очраклы чара түгел. Сентябрь башыннан гына Казан юлларында 14 юл-транспорт һәлакәте теркәлгән, аларда 16 бала төрле тән җәрәхәте алган. Шуларның унысы – 8-15 яшьләрдәге җәяүлеләр.
Укучылар белән "өй – мәктәп – өй" индивидуаль иминлек схемаларын кулланып дәресләр үткәреләчәк. Шулай ук белем бирү оешмалары янында җәяүле экскурсияләр планлаштырылган.
Һәр көнне соңгы дәрестә педагоглар куркынычсызлык минутларын үткәрәчәк. Аларда балаларга юл хәрәкәте кагыйдәләрен үтәү кирәклеген аңлаталар.
Моннан тыш, белем бирү оешмаларында педагогик состав һәм ата-ана комитетлары тарафыннан балаларның яктылык кайтаргыч элементларны куллануы тикшереләчәк.
Кызыклы яңалыкларны күзәтеп бару өчен Телеграм-каналга язылыгыз