news_header_top_970_100
news_header_bot_970_100

Казанда югары технологик медицина ярдәмен күрсәтү мәсьәләләре каралды

Казанга Чабаксар шәһәрендә урнашкан Федераль травматология, ортопедия һәм эндопротезлау үзәгенең баш табиб Николай Николаев җитәкчелегендәге вәкиллеге рәсми визит кылды

(Казан, 13 май, “Татар-информ”). Казанга Чабаксар шәһәрендә урнашкан Федераль травматология, ортопедия һәм эндопротезлау үзәгенең баш табиб Николай Николаев җитәкчелегендәге вәкиллеге рәсми визит кылды. Кичә югары медицина технологияләре буенча белгечләрне әзерләү Үзәгендә Татарстаннан барган авыручыларга югары технологик медицина ярдәмен күрсәтү буенча хезмәттәшлек итү мәсьәләләре каралды.
Татарстан сәламәтлек саклау министрының беренче урынбасары Адель Вафин әйтеп үткәнчә, очрашу ике як өчен дә бик файдалы. “Федераль үзәкләр белән эшләү республика министрлыгы өчен өстенлекле юнәлеш булып тора. Татарстан халкының югары технологик медицина ярдәменә ихтыяҗын каплау өчен без федераль үзәкләргә мөрәҗәгать итәбез. Узган ел федераль учреждениеләргә 2 меңнән артык кеше җибәрелгән иде. Шуңа күрә хезмәттәшлек мәсьәләләрен карау бик мөһим”, - диде ул. Узган ел Федераль траматология, ортопедия һәм эндопротезлау Үзәгендә федераль квота буенча Татарстаннан 51 кеше дәваланган. Бу турыда министрлыкның матбугат хезмәте хәбәр итә.

news_right_column_1_240_400
news_right_column_2_240_400
Медиаметрикс
news_bot_970_100