Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда яшь ярымлык кызын үтергән ир-атны психиатрия экспертизасына озаталар
Июль аенда бер ир-ат Казанның Камил Якуп урамында үзенең яшь ярымлык кызын суеп үтергән, шуннан соң үз-үзенә кул салмакчы булган.
(Казан, 14 октябрь, «Татар-информ», Елена Сәлахова). Быел июль аенда фатирда үзенең яшь ярымлык кызын суеп үтергән ир-атны Мәскәүгә психиатрия экспертизасына озатачаклар. Бу хакта «Татар-информ» агентлыгына Россия тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий хәбәр итте.
«Ир-атка комплекслы психологик-психиатрия экспертизасы билгеләнгән. Моның өчен аны Мәскәүгә Сербский исемендәге Федераль психиатрия һәм наркология медицина тикшеренү үзәгенә озатачаклар», - диде Андрей Шептицкий.
«Татар-информ» агентлыгы моңа кадәр хәбәр иткәнчә, 3 июль көнне Камил Якуп урамындагы йортларның берсендә ир-ат үзенең кызын суеп үтергән. Ул сабыйның муенына өч тапкыр пычак белән кадаган.
Шуннан соң ир-ат үз-үзенә кул салырга омтылган – тәнен берничә тапкыр пычак белән яралаган. Хастаханәдә ашыгыч ярдәм күрсәткәннән соң аны кулга алганнар.
Тикшерү комитеты аңа карата җинаять эше кузгаткан. Казанның Вахитов районы суды ир-аты кулга алып тикшерү изоляторына озаткан.
Кызыклы яңалыкларны күзәтеп бару өчен Телеграм-каналга язылыгыз