Фән һәм мәгариф 21 апрель 2019 11:42

Казанда яшь галимнәрне фәнни мәкалә әзерләү осталыгына өйрәтү өчен бушлай семинар була

Чараны сәнгать белеме кандидаты, "Үсеш тайпылышлары булган балаларны тәрбияләү һәм укыту" журналының баш мөхәррир урынбасары Алексей Меньков уздыра.

Скопировать ссылку

(Казан, 21 апрель, "Татар-информ"). 24 апрельдә 14.00 сәгатьтә "ТИСБИ” Идарә университетының зур актлар залында (Казан, Мөштәри, 13) фәнни мәкаләләр язуга багышланган “Фәнни мәкаләне ничек әзерләргә һәм рәсмиләштерергә?” темасына семинар булачак. Бу турыда Татарстанның Мәгариф һәм фән министрлыгы матбугат хезмәте хәбәр итте.

Семинарны сәнгать белеме кандидаты, доцент, "Үсеш тайпылышлары булган балаларны тәрбияләү һәм укыту" бөтенроссия фәнни журналының баш мөхәррир урынбасары Алексей Меньков үткәрәчәк.

Ул фәнни мәкаләне дөрес итеп рәсмиләштерергә өйрәтәчәк һәм аның эчтәлегендә игътибар итәргә кирәкле урыннар, яшь авторларның хаталары, чит ил журналларында басылу турында сөйләячәк.

Семинар барышында эксперт фәнни мәкаләләр анализын конкрет мисаллар белән үткәрәчәк һәм аудиториянең барлык сорауларына җавап бирәчәк.

Семинарга килә алмаганнар өчен "ТИСБИ" Instagramда турыдан-туры трансляция оештыра.

Керү ирекле.

#галим #тисби

Сәхифәләр

Казанда яшь галимнәрне фәнни мәкалә әзерләү осталыгына өйрәтү өчен бушлай семинар була