Хәвеф-хәтәр 14 февраль 2021 09:13

Казанда яшәүче исерек ир-ат медицина хезмәткәренә үтерү белән янаган

Хастаханә хезмәткәрләре росгвардиячеләрне чакырган, ир-атны тоткарлаганнар.

Скопировать ссылку

(Казан, 14 февраль, «Татар-информ»). Казанда исерек ир-ат Республика клиник хастаханәсенең кабул итү-диагностика бүлегендә медицина хезмәткәренә үтерү белән янаган һәм берсенә суккан.

Кичә кич 57 яшьлек исерек ир-ат клиникага мөрәҗәгать иткән. Аның башы җәрәхәтләнгән булган.

Республика клиник хастаханәсендә хәбәр итүләренчә, табиблар пациентны тикшергән: компьютер томографиясе ясаган, авыртуын баскан һәм яраны теккәннәр.

Шуннан соң пациент республика клиник хастаханәсе хезмәткәренең эченә суккан, кычкырып һәм янап стационарга керергә тырышкан.

Хастаханә хезмәткәрләре росгвардиячеләрне чакырган.

#медицина хезмәткәрләре

Сәхифәләр

Казанда яшәүче исерек ир-ат медицина хезмәткәренә үтерү белән янаган