Хәвеф-хәтәр 3 сентябрь 2018 20:26

Казанда яшәүче ир-атны укучы баланы көчләгән өчен ирегеннән мәхрүм иттеләр

28 яшьлек ир-ат “Көчләү” һәм “Торакның кагылгысызлыгын бозу” маддәләре буенча гаепле дип табылган.

Скопировать ссылку

(Казан, 3 сентябрь, «Татар-информ»). Казанда яшәүче ир-ат укучы баланы көчләгән өчен 8,5 елга ирегеннән мәхрүм ителде. Бу турыда «Татар-информ»га Татарстан прокурорының өлкән ярдәмчесе вазифаларын башкаручы Екатерина Гудкова хәбәр итте.

Тикшерү ачыклаганча, 2017 елның мартыннан июленә кадәр 28 яшьлек ир-ат әти-әнисенең дусларында даими кунарга калган. Ул фатир хуҗасының 15 яшьлек кызына үтерү белән янап, көчләү гамәлләре кылган. Судта көчләүнең биш очрагы исбатланган.

Моннан тыш, узган елның сентябрендә бу ир-ат хуҗабикә рөхсәтеннән башка аның фатирына кергән.

Суд казанлыны “Көчләү” һәм “Торакның кагылгысызлыгын бозу” маддәләре буенча гаепле дип таныган. Якындагы 8, 5 елда ир-ат каты режимлы колониядә булачак. Хөкем ителүче үз гаебен танымаган.

#җинаять

Сәхифәләр

Казанда яшәүче ир-атны укучы баланы көчләгән өчен ирегеннән мәхрүм иттеләр