Казанда яшәүче рәссам Россия Герое Дамир Исламов истәлегенә мурал ясаган
Украинадагы махсус хәрби операциядә һәлак булган Дамир Исламов истәлегенә ясалган мурал Казанның 2 нче Хәрби шәһәрчегендәге йорт диварында барлыкка килде. Аны рәссам Азат Алиев ясаган.
Фото: © Елена Саляхова / «Татар-информ»
«Мурал ясау идеясе танк училищесыныкы һәм минеке иде. Исламовның батырлыгы мине илһамландырды. Безнең илебезгә шундый кешеләр кирәк», - диде Азат Алиев.
Фото: © Елена Саляхова / «Татар-информ»
Муралны ясау өчен берничә көн кирәк булган. Хәзер рәссам эшен тәмамлап килә, Исламовның портреты кичкә әзер булачак.
Фото: © Елена Саляхова / «Татар-информ»
Алдарак «Татар-информ» Лениногорскида Украинадагы махсус хәрби операциягә һәлак булган Дамир Исламов белән хушлаштылар дип язган иде. Аңа вафатыннан соң Россия Герое исеме бирелде.
Дамир Исламов хәрби биремен үтәгәндә 7 мартта һәлак булды. Исламов җитәкчелегендәге Т-72Б1 танк экипажы ЛНРдагы Северодонецк районында Золотое шәһәре янында дошманның укрепрайонына һөҗүм итте.
Исламов экипажы дошманның дүрт танкын юкка чыгарган, әмма бишенче танк аларга һөҗүм ясый. Т-72Б1 танкы экипажы тулысынча һәлак була.