Казанда янгында бала белән хатын-кыз һәлак булган
Скопировать ссылку
Казанның Гаврилов урамында күп катлы йортның 6 нчы катындагы фатирда янгын була. Биредә ана белән бала үлгән, дип яза «Татар-информ».
Гадәттән тыш хәлләр министрлыгының Татарстан буенча Баш идарәсе белешмәсе буенча, янгын сүндергәндә 2 кеше гәүдәсе табыла. Табиблар 12 яшьлек кыз белән 41 яшьлек хатын-кыз үлемен раслый.
Янгын сүндерүчеләр күрше фатирлардан алты кешене, шул исәптән 2 баланы, эвакуацияләгән.
Янгын 40 квадрат метр мәйданда булган. Якынча версия буенча, ут мәрхүмнәрнең туганы тәмәке тартканда саксызлык аркасында килеп чыккан.