Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Казанда янгында 51 яшьлек ир-ат һәлак булган
Бүген төнлә 112 бердәм номерына Казанның Мәскәү районындагы Исаев урамында бер фатирда янгын чыгуы хакында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Урынга килгәч, янгын сүндерүчеләр күп катлы йортның өченче катындагы фатирда әйберләргә ут кабуын ачыклаган. Балконда хатын-кызның ярдәм сорап кычкыруына игътибар иткәннәр.
Янгын сүндерүчеләр, сулыш алу аппаратлары киеп, махсус кораллар ярдәмендә бикле ишекне ачып фатирга кергән һәм балкондагы 61 яшьлек хатын-кызны урамга алып чыккан, ул зыян күрмәгән.
5 квадрат метр мәйдандагы янгынны сүндергәннәр.
Янгынны сүндергән вакытта фатирда ир-ат мәетен табып алганнар. Якынча мәгълүматлар буенча, янгын тәмәке тартканда саксыз эш итү сәбәпле чыккан.
Ведомствода татарстанлыларны янгын куркынычсызлыгы кагыйдәләрен үтәргә: спиртлы эчемлекләр белән мавыкмаска, урын-җирдә, бигрәк тә исерек хәлдә, беркайчан да тәмәке тартмаска чакыра. Шулай ук төзек булмаган электр үткәргечен файдаланмаска, электр җылыткычларын кулланганда сак эш итәргә, токка тоташтырылган электр һәм газ приборларын караучысыз калдырмаска кирәк.
Кызыклы яңалыкларны күзәтеп бару өчен Телеграм-каналга язылыгыз