Фән һәм мәгариф 28 июнь 2018 15:37

Казанда яңа уку елында мәктәпләрне һәм балалар бакчаларын берләштерәләр

Әлеге үзгәрешләр Казанның җиде районындагы мәктәпләргә һәм берничә балалар бакчасына кагылачак.

Скопировать ссылку

(Казан, 28 июнь, «Татар-информ»). Казанда 2018-2019 уку елында берничә мәктәпне һәм балалар бакчаларын берләштерәчәкләр. Әлеге үзгәрешләр шәһәрнең җиде районындагы белем бирү учреждениеләренә кагылачак. Бу хактагы мәгълүмат Казан мэриясенең яңа гына дөнья күргән документлар җыентыгында урнаштырылган.

Яңа уку елында Авиатөзелеш, Вахитов, Мәскәү, Идел буе һәм Совет районнарындагы кайбер мәктәпләрдә мөмкинлекләре чикләнгән балалар өчен сыйныфлар ачылачак.

1 сентябрьдә кайбер белем бирү учреждениеләре берләштереләчәк. Авиатөзелеш районында – 4, Вахитов районында – 2, Киров районында – 10, Мәскәү һәм Яңа Савин районнарында - 4, Совет районында 2 балалар бакчасын шундый язмыш көтә.

Идел буе районында исә ике мәктәпне берләштерү күздә тотыла. 34нче кичке гомумбелем бирү мәктәбе – 73нче урта мәктәпкә, ә 14нче балалар музыка мәктәбе 139нчы гимназиягә кушылачак, диелә документлар җыентыгында.

#яңа уку елы #мәктәпләр #балалар бакчалары

Сәхифәләр

Казанда яңа уку елында мәктәпләрне һәм балалар бакчаларын берләштерәләр