Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда яңа формалашкан урамга Безоблачная дигән исем бирелде
Думаның урам исеме бирелү турындагы карары матбугатта басылганнан соң үз көченә керәчәк
(Казан, 29 ноябрь, “Татар-информ”, Миләүшә Низаметдинова). Казанның Идел буе районына кергән “Лесной городок” торак комплексында яңа формалашкан урамга “Безоблачная урамы – улица Безоблачная” дигән атама бирелде. Шул рәвешле, фәкать русча гына булган исемле әлеге урам Березовая, Солнечная, Брусничная урамнарына параллель. Ул торак комплексы Оренбург тракты буйлап Республика клиник хастаханәсенә таба юнәлештә, шушы клиниканы шактый узгач уңда кала һәм Ферма янәшәсендәрәк урнашкан.
Безоблачная урамы бирелү тәкъдиме белән бүген Казан каласы икенче чакырылыш Думасының шәһәр төзелеше һәм ТКХ буенча даими комиссиясе рәисе Андрей Егоров XXVII сессиядә чыкты, бу хакта топонимика буенча комиссия утырышында каралып игълан ителде, диде.
Башкала депутатлары аны хуплап тавыш биргәч, Алексей Песошин җитәкчелегендәге шәһәр Башкарма комитетына 1 ай эчендә Безоблачная урамын Казан урамнары исемнәре реестрына кертү, адреслы атрибутика урнаштыру эше йөкләнде. Думаның урам исеме бирелү турындагы карары матбугатта басылганнан соң үз көченә керә, дип белдерде А.Егоров.
Кызыклы яңалыкларны күзәтеп бару өчен Телеграм-каналга язылыгыз