Казанда Яңа ел чыршылары 300-1000 сум торачак
Татарстан башкаласында чыршы базарлары 15 декабрьдә эшли башлый.
(Казан, 11 декабрь, «Татар-информ», Диана Авакян). Казанда Яңа ел чыршылары 300-1000 сум торачак. Бу хакта «эшлекле дүшәмбе» киңәшмәсендә Казан Башкарма комитетының Кулланучылар базары комитеты рәисе Руслан Фазылҗанов хәбәр итте.
Татарстан башкаласында чыршы базарлары 15 декабрьдә эшли башлый. Яңа ел гүзәлләрен Яңа Савин районында - Адоратский урамында, шулай ук Адоратский урамы һәм Ямашев проспекты чатында; Вахитов районында – Чехов урамында; Идел буе районында – Рихард Зорге урамында һәм Җиңү проспектында; Мәскәү районында Декабристлар һәм Восстание урамнарында сатып алып булачак.
«Чыршы базарларында махсус питомникларда үстерелгән һәм тиешле документлары булган агачларны гына сатарга рөхсәт ителә», - дип искәртте Руслан Фазылҗанов.