Җәмгыять 8 декабрь 2009 12:37

Казанда йөрәк-кан тамырлары хирурглары җыелышы узачак

10 декабрьдә Казанда Төбәкара клиника-диагностика үзәге ачылуына 10 ел тулуга багышланган чаралар кысаларында Татарстанның йөрәк-кан тамырлары хирургларының фәнни-гамәли конференциясе оештырыла

Скопировать ссылку

(Казан, 8 декабрь, “Татар-информ”). 10 декабрьдә Казанда Төбәкара клиника-диагностика үзәге ачылуына 10 ел тулуга багышланган чаралар кысаларында Татарстанның йөрәк-кан тамырлары хирургларының фәнни-гамәли конференциясе оештырыла.
Клиниканың матбугат хезмәтеннән алган хәбәргә караганда, форумда ТР Дәүләт Советының социаль сәясәт Комитеты рәисе Светлана Захарова, ТР Министрлар Кабинетының сәламәтлек саклау мәсьәләләре буенча бүлек җитәкчесе Борис Менделевич, ТР сәламәтлек саклау министры Айрат Фәррахов катнашыр дип көтелә. Конференциядә белгечләр йөрәкнең ишемия авыруын диагностикалау һәм дәвалау, тумыштан һәм яшәү чорында барлыкка килгән йөрәк зәгыйфьлеген хирургия ярдәмендә дәвалау, йөрәк эшчәнлеге бозылуны, кан тамырлары авыруларын дәвалау мәсьәләләрен күтәрәчәк. Шулай ук йөрәк-кан тамырлары хирургиясендә яңа технологияләрне үстерү турында да сүз алып барылачак.

Сәхифәләр

Казанда йөрәк-кан тамырлары хирурглары җыелышы узачак