Җәмгыять 9 октябрь 2009 11:56

Казанда «XXI гасырда Россия юллары» IX Халыкара күргәзмә-форумы булачак

Соңгы елларда андый чара Бөтенроссия юл хуҗалыгы хезмәткәрләре көне алдыннан ел саен уздырыла

Скопировать ссылку

(Казан, 9 октябрь, «Татар-информ»). Соңгы елларда андый халыкара күргәзмә-форумны «Росавтодор» октябрьнең 3 нче атнасына туры килгән Бөтенроссия юл хуҗалыгы хезмәткәрләре көне алдыннан ел саен илнең төрле зур шәһәрләрендә уздыра. Санкт-Петербург, Түбән Новгород, Мәскәү, Ростов-на-Дону, Әстерхан һәм янә Санкт-Петербургтан соң, ниһаять, бу юлы Казанда 14-15 октябрь көннәрендә тармак күргәзмә-форумы илнең югары җитәкчелеген, юл хуҗалыгы тармагы идарәләре, оешмалары хезмәткәрләрен, зур белгечләрен бергә җыячак. Бу исә тәҗрибә уртаклашу, фән һәм техника өлкәсендә тармакка кагылышлы казанышлар белән танышу, яңа элемтәләр урнаштыру, булганнарын киңәйтү һ.б. мөмкинлекләр бирәчәк, чөнки андый чараларда моңарчы 500ләп юл хуҗалыгы оешмасы, 15ләп чит ил компаниясе катнашырга өлгергән.

«XXI гасырда Россия юллары» IX Халыкара күргәзмә-форумы кысаларында юл хуҗалыгының барлык тармаклары буенча фәнни-гамәли конференцияләр, «түгәрәк өстәл» утырышлары үткәрү күздә тотыла, диелә ТР Траспорт һәм юл хуҗалыгы министрлыгыннан алынган мәгълүматта.

Сәхифәләр

Казанда «XXI гасырда Россия юллары» IX Халыкара күргәзмә-форумы булачак