Дин 14 декабрь 2018 08:15

Казанда “XIX – XX йөз башында татар илаһият фикере һәм Шиһабетдин Мәрҗани” китабы чыкты

Китап Мәрҗанинең эшчәнлеге һәм аның “Әл-Хикмә әл-бәлига” дип аталган хезмәтенә багышланган.

Скопировать ссылку

(Казан, 14 декабр, "Татар-информ"). “Хозур” нәшрият йорты тарих фәннәре кандидаты Д.Ә. Шәһәвиевның “XIX – XX йөз башында татар илаһият фикере һәм Шиһабетдин Мәрҗани” хезмәтен нәшер итте. Бу турыда Татарстан мөселманнарының Диния нәзарәте матбугат хезмәте хәбәр итте.

Монография 2010 елда ТР Фәннәр Академиясенең Ш.Мәрҗани исемендәге Тарих институтында якланган “XIX гасыр татар илаһият фикере үсешендә Ш.Мәрҗанинең роле” дип аталган диссертация нигезендә әзерләнә, диелгән әлеге хәбәрдә.

Китап XIX – XX йөз башында татар мөселманнарында илаһият фикере, күренекле галимебез Ш.Мәрҗанинең эшчәнлеге һәм аның “Әл-Хикмә әл-бәлига” дип аталган хезмәтенә багышланган.

#Мәрҗани

Сәхифәләр

Казанда “XIX – XX йөз башында татар илаһият фикере һәм Шиһабетдин Мәрҗани” китабы чыкты