Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда хезмәт базарында кадрлар кытлыгы саклана
Казанда теркәлгән эшсезлек дәрәҗәсе 0,25 процент тәшкил итә. Хәзер шәһәр мәшгульлек үзәкләрендә 1 613 кеше исәптә тора, дип хәбәр итте эшлекле дүшәмбедә Казан Башкарма комитетының икътисади үсеш комитеты рәисе Гүзәл Минһаҗева.
«Соңгы 10 елдагы тенденция безгә хәзер Казанда эшсезлек юк дип ышаныч белән әйтергә мөмкинлек бирә», - дип белдерде Минһаҗева.
Ул искәрткәнчә, эшсезлекнең максималь дәрәҗәсе 2020 елда, рәсми рәвештә теркәлгән эшсезләр саны 17 меңнән артып киткән пандемия чорында теркәлгән.
Бүген мәшгульлек хезмәте эш эзләүчеләргә 13 меңнән артык вакансия тәкъдим итә. Шулай итеп, теркәлгән бер эшсезгә эшкә урнашу турында сигездән артык тәкъдим туры килә.
Шул ук вакытта хезмәт базарында кадрлар кытлыгы саклана. Минһаҗева сүзләренчә, эш бирүчеләргә иң элек төзелеш, сәнәгать, мәгариф һәм фән, сәүдә, транспорт һәм логистика, шулай ук сәламәтлек саклау һәм социаль өлкәләрдә белгечләр җитми.
Кызыклы яңалыкларны күзәтеп бару өчен Телеграм-каналга язылыгыз