news_header_top
16+
news_header_bot
news_top

Казанда халык язучысы Хисам Камалның 100 еллыгына багышланган әдәби-музыкаль кичә була

1 декабрьдә 18:00 сәгатьтә Кәрим Тинчурин исемендәге Татар дәүләт драма һәм комедия театрының кече залында Татарстанның халык язучысы Хисам Камалның тууына 100 ел тулуга багышланган әдәби-музыкаль кичә узачак. Бу хакта Татарстан Язучылар берлеге хәбәр итте.

Кичә «Һәркемнең гомере бер генә» дип аталган. Чарада күренекле әдипнең иҗаты һәм тормыш юлы яктыртылачак.

Тамашачыларга әдәби-музыкаль программа тәкъдим ителәчәк. Кичәнең сценарий авторы – Хәбир Ибраһим, ә режиссеры – Азат Зарипов.

news_right_1
news_right_2
news_bot