Архив 18 июнь 2016 22:18

Казанда воркаут буенча ярышларда җиңүчеләрне акчалата призлар көтә

Яшьләр көнен өч көн бәйрәм итү спортның ишегалды төрләре буенча турнир белән ачылачак

Скопировать ссылку

(Казан, 18 июнь, "Татар-информ"). Казанда Яшьләр көнен өч көн бәйрәм итү күздә тотыла. Спортның ишегалды төрләре буенча турнир белән башлана ул, дип хәбәр итәләр шәһәрБашкарма комитетының Балалар һәм яшьләр эшләре комитетыннан.

Воркаут буенча ярышлар 25 июнь көнне сәгать 12дә Кремль яр буенда уздырыла. Конкурс 2 юнәлештә алып барылачак: әзерлеклеләр өчен воркаут-баттл һәм килгән кунаклар өчен турникта тартылу (ярышларга егетләр дә, кызлар да кертелә). Иң көчлеләр акчалата призлар белән бүләкләнә. Ярыш программасында катнашыр өчен Казандагы воркаутның рәсми төркемендә якынча теркәлү узарга кирәк: http://vk.com/gwkzn. Спорт программасыннан тыш, тамашачыларны шәһәрнең иң яхшы студентлар коллективларының иҗат номерлары, күрсәтмә чыгышлар һәм мастер-класслар көтә.

19ы Химиклар Мәдәният йорты паркында кичке 5тә күнегүләр була.

Сәхифәләр

Казанда воркаут буенча ярышларда җиңүчеләрне акчалата призлар көтә