news_header_top_970_100
news_header_bot_970_100

Казанда Владимир Самсонов җырлый

Бүген С.Сәйдәшев исемендәге Зур дәүләт концерт залында “Сердце на снегу” дип исемләнгән концерт узачак

(Казан, 17 февраль, “Татар-информ”). Бүген С.Сәйдәшев исемендәге Зур дәүләт концерт залында “Сердце на снегу” дип исемләнгән концерт узачак. Анда күренекле опера җырчысы Владимир Самсонов башкаруында узган гасыр җырлары һәм романслары яңгыраячак. Фортепианода Константин Ганшин һәм гитарада Александр Барсуков уйный.
Владимир Самсонов – Италиядә Марио дель Монако исемендәге опера җырчылары Халыкар конкурсы, "Петербургский ангажемент" Халыкара телевизион фестивале лауреаты. Санкт-Петербургның Н.А.Римский-Корсаков исемендәге дәүләт консерваториясен һәм шунда ук аспирантураны тәмамлый. 1991 елдан Санкт-Петербург музыкаль комедия театры солисты була. Хәзер исә Мария театрында эшли, дип хәбәр иттеләр Концерт залының мәгълүмат бүлегеннән.

autoscroll_news_right_240_400_2
news_bot_970_100