Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда VK Fest тантанасында яшь пар өйләнеште
VK Fest фестивале кысаларында Казанда «Идел» татар сәхнәсендә фестиваль тарихында беренче тапкыр никахлашу тантанасы узды. Иркутскидан Елизавета һәм Татарстаннан Зөлфәт яңа өйләнештеләр.
Пар өч ел элек «ВКонтакте» социаль челтәрендә танышкан. Аларның беренче очрашуы Казанда узды. Парны уртак кызыксынулар берләштерә: сәяхәткә, тизлеккә һәм бигрәк тә мотоциклларга мәхәббәт.
Рәсми өлешне уздыру өчен сәхнәгә Татарстан Республикасының атказанган мәдәният хезмәткәре, Казан шәһәренең ЗАГС идарәсе вәкиле Гүзәл Мөхетдинова чакырылды.
Татарстан Республикасы премьер-министры урынбасары Ләйлә Фазлыева парны сәхнәдән котлады.
«Татарстан Республикасы Рәисе исеменнән сезнең гаиләгезнең тууы белән котлыйм. Зөлфәт белән Лиза, бүген VK Fest мәйданчыгында бар кеше дә сезнең гаиләгез барлыкка килгәнен белде. Уңышларыгыз артсын, һәрвакыт бәхетле булыгыз. Бүген бөтен VK Fest сезнең белән бергә. Бәйрәм белән сезне, кадерле дуслар», - диде Ләйлә Фазлыева.
Кызыклы яңалыкларны күзәтеп бару өчен Телеграм-каналга язылыгыз