Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда вакансияләр мини-ярминкәсе уза
Вахитов районында яшәүчеләргә 600 дән артык эш тәкъдим ителәчәк
(Казан, 13 октябрь, «Татар-информ»). 16 октябрьдә Казанның Вахитов районы халык мәшгульлеге үзәгендә вакансияләр мини-ярминкәсе уза. Чарада районның биш предприятиесе катнаша, дип хәбәр итә Хезмәт, халыкны эш белән тәэмин итү һәм социаль яклау министрлыгы матбугат хезмәте.
Ярминкәгә килүчеләргә күчмә состав механигы, слесарь, участок мастеры, АЗС операторы, агач остасы, инженер-программист, шәфкать туташы, тракторчы һ.б. белгечлекләр буенча 602 вакансия тәкъдим ителә.
Эш тәкъдим итүчеләр ярминкәдә катнашучыларны эш таләпләре һәм шартлары белән таныштырачак, кызыксындырган сорауларга җавап бирәчәк.
Ярминкәдә үзәк белгечләре дә катнашачак, алар халык мәшгульлеге, эшкә урнаштыру, һөнәри белем бирү һәм яңадан хәзерләү буенча сорауларга җавап бирәчәкләр.
Ярминкә 9.00-11.00 сәгатьләрдә Павлюхин урамы, 102 йорт адресы буенча узачак.
Кызыклы яңалыкларны күзәтеп бару өчен Телеграм-каналга язылыгыз