Хәвеф-хәтәр 7 декабрь 2020 10:10

Казанда узган ялларда ике җәяүле машина астында калып авыр тән җәрәхәтләре алган

Җәяүлеләрнең берсен – торак йорт ишегалдында, икенчесен зебрада машина бәрдергән.

Скопировать ссылку

(Казан, 7 декабрь, «Татар-информ»). Казанда узган ял көннәрендә ике җәяүле, машина астында калып, авыр тән җәрәхәтләре алган. Бу хакта шәһәр Дәүләт автоинспекциясеннән хәбәр иттеләр.

Шимбә көнне көндез 56 яшьлек шофер, Декабристлар урамында ишегалды буйлап хәрәкәт иткәндә, 21 яшьлек егетне таптаткан. Нәтиҗәдә, җәяүленең тубык сөяге сынган.

Якшәмбе көнне Мамадыш тракты урамында чит ил автомобиле руле артында булган хатын-кыз зебра буйлап юл аркылы чыгып баручы кызны бәрдергән. Нәтиҗәдә, кыз умыртка баганасын сындырган һәм башка тән җәрәхәтләре алган.

#машина авариясе #авария

Сәхифәләр

Казанда узган ялларда ике җәяүле машина астында калып авыр тән җәрәхәтләре алган