Җәмгыять 5 март 2007 13:52

Казанда узган ял көннәрендә ике кеше юл-транспорт һәлакәте корбаны булды

Скопировать ссылку

(Казан, 5 март, “Татар-информ”). Узган ял көннәрендә башкалабызда 9 юл-транспорт һәлакәте килеп чыкты. Нәтиҗәдә ике кеше якты дөнья белән хушлашты, 8е төрле тән җәрәхәтләре алды, дип хәбәр иттеләр бүген Казанның юл хәрәкәте иминлеге дәүләт инспекциясе матбугат хезмәтеннән.

Фаҗигале очракларның икесе дә 4 март көнне теркәлде. 14 сәгать 35 минутта Ленин дамбасында 30 яшьлек ир-ат идарә иткән “Мицубиси” автомобиле хатын-кызны бәрдерә. Авария нәтиҗәсендә зыян күрүче (60-70 яшьләр тирәсендәге хатын) алган җәрәхәтләрдән фаҗига булган урында ук үлә.

20 сәгать 20 минутта Шоссе урамында җиңел автомобиль 17 яшьлек егетне таптата һәм фаҗига булган урыннан качып китә. Нәтиҗәдә егет алган яралардан фаҗига булган урында якты дөнья белән хушлаша.

Узган ял көннәрендә Казанда барлыгы 2232 шофер һәм 319 җәяүле юл хәрәкәте кагыйдәләрен бозган өчен административ җаваплылыкка тартылды. 20дән артык машина йөртүче транспорт чарасы белән исерек хәлдә идарә иткән өчен тоткарланды.

Сәхифәләр

Казанда узган ял көннәрендә ике кеше юл-транспорт һәлакәте корбаны булды