Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда узачак Дөнья чемпионатына 70 меңнән артык билет сатылган
Спорт ярышларына билет бәяләре - 50 сумнан алып 3 мең сумга кадәр.
(Казан, 15 апрель, “Татар-информ”, Гөлнар Гарифуллина). Бүгенге көндә Спортның су төрләре буенча XVI Дөнья чемпионатына 70 меңнән артык билет сатылган. Аларның 11 меңен чит ил кешеләре алган. Бу хакта бүген журналистларга ТР яшьләр эшләре һәм спорт министры Владимир Леонов хәбәр итте.
Аның әйтүенчә, билетларны аеруча Америка Кушма Штатлары, Канада, Ауропа илләре гражданнары сатып ала. Йөзү, синхронлы йөзү, хай-дайвинг кебек спорт төрләренә аеруча зур кызыксыну күзәтелә. Дөнья тәҗрибәсе күрсәткәнчә, сатуларның төп өлеше (барлык билетларның 80 проценты) чемпионат үткәрү көннәренә туры килә. Әмма хәзергә сатулар динамикасын исәпкә алганда, билетларның 80 процент өлеше инде июль башына ук сатылып бетәчәк. Спорт ярышларына билет бәяләре - 50 сумнан алып 3 мең сумга кадәр.
Владимир Леонов белдергәнчә, ярышларда катнашу теләген 188 ил вәкилләре җиткергән. Бүгенге көндә 160 илдән спортчылардан һәм делегация вәкилләреннән 4301 заявка кабул ителгән. “Спортчылар саны һәм аларның географиясе буенча Казанда узачак чемпионат үз тарихында иң яхшысы булыр дип уйлыйм”, - диде министр.
Кызыклы яңалыкларны күзәтеп бару өчен Телеграм-каналга язылыгыз