Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда узачак VK Fest фестивалендә Татарстан кунакханәсе эшләячәк
Быел 7 июньдә «Казан» гаилә үзәге янында узачак VK Fest фестивале музыка һәм технологияләр мәйданчыгы гына түгел, ә танышу, гаилә кору һәм хәтта никахлашу урыны да булачак. Бу вакыйгаларның барысын да «Татарстан Республикасы кунакханәсе» берләштерәчәк.
Биредә «Идел» милли сәхнәсе, халык һөнәрләре буенча мастер-класслар, тематик фотозоналар һәм Сабантуй мәйданчыгы тәкъдим ителәчәк. Билетларны vkfest.ru рәсми сайтында сатып алырга мөмкин.
«Бу көнне, 7 июньдә, республиканың шәһәрләрендә һәм район үзәкләрендә яраткан милли бәйрәмебез Сабантуй узачак. Шуңа күрә VK Fest фестивалендә дә Сабантуй атмосферасын тудырырга булдык. Сабантуй — ул уеннар һәм ярышлар мәйданчыгы гына түгел, ә гаилә белән ял итү, традицияләр һәм танышулар урыны», — дип аңлатты ТР Вице-премьеры Ләйлә Фазлыева.
«Татарстан Республикасы кунакханәсе» халык сәнгать һөнәрләренең 18 юнәлеше буенча мастер-класслар мәйданчыгын тәкъдим итәчәк. Монда күн мозаикасы, келәм чигү, агачка һәм керамикага бизәк төшерү яки каллиграфия осталыгына өйрәнергә мөмкин булачак.
ТР Министрлар Кабинетының ЗАГС идарәсе дә махсус программа әзерләгән. «Идел» сәхнәсендә узачак кичке программада никах теркәү тантанасы булачак. Яшь пар «ВКонтакте» социаль челтәрендә танышкан, шуңа күрә никахын да VK Fest кысаларында теркәгән булган. Бәйрәм тантанасы үзенчәлекле форматта узачак, аның детальләре әлегә сер итеп саклана.
Кызыклы яңалыкларны күзәтеп бару өчен Телеграм-каналга язылыгыз