Казанда ут капкан машинасын кар белән сүндерергә теләгән ирнең тәне пешкән
Имәнлек урамы 47 нче йорт янында машинага ут капкан.
Скопировать ссылку
(Казан, 14 декабрь, “Татар-информ”). Казанда яшәүче ир-ат ут капкан машинаны кар белән сүндерергә тырышканда тәнен пешергән. Бу хакта Татарстанның Гадәттән тыш хәлләр министрлыгы матбугат хезмәте хәбәр итә.
Кичә, кич үзәк янгын пунктына Имәнлек урамы, 57 нче йорт янында “Шкода” автомобиленә ут кабу турында хәбәр килгән.
Беренчел мәгълүматлар буенча, җиһазлар панеле астындагы электр җиһазларының төзексезлеге аркасында чит ил машинасына ут капкан. Машина хуҗасы янгын сүндерүчеләр килгәнче утны кар сибеп сүндергән.
Нәтиҗәдә җиһазлар панеленә зыян килгән, аның астындагы электр чыбыклары изоляциясе янган. Хуҗаның куллары пешкән һәм аны РКБга озатканнар.
