Мәдәният 16 декабрь 2009 13:12

Казанда тынлы уен кораллары оркестры чыгыш ясый

17 декабрьдә С.Сәйдәшев исемендәге Зур дәүләт концерт залында “Дөнья музыка классикасы җәүһәрләре” исемле концерт программасы тәкъдим ителә

Скопировать ссылку

(Казан, 16 декабрь, “Татар-информ”). 17 декабрьдә С.Сәйдәшев исемендәге Зур дәүләт концерт залында “Дөнья музыка классикасы җәүһәрләре” исемле концерт программасы тәкъдим ителә. Бу – “Тынлы академия” циклыннан икенче концерт.
Музыка кичәсендә Казан дәүләт консерваториясенең тынлы уен кораллары оркестры Модест Мусоргский, Александр Бородин, Николай Римский-Корсаков, Томазо Альбинони, Арам Хачатурян, Камил Сен-Санс әсәрләрен башкарачак. Оркестр белән Санкт-Петербургтан дирижер, Россиянең атказанган артисты Андрей Казаков җитәкчелек итә. Оркестрга кушылып, скрипкада Россиянең халык артисты Михаил Гантварг һәм органда Россия һәм Татарстанның халык артисты Рубин Абдуллин уйнаячак. Концерт 18 сәгать 30 минутта башлана, дип хәбәр иттеләр Зур дәүләт концерт залыннан.

Сәхифәләр

Казанда тынлы уен кораллары оркестры чыгыш ясый