Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда туып-үскән хатын 55 елдан соң беренче тапкыр туу турында таныклык алган
Пермьдә яшәүче бер хатын Пермь крае буенча Кеше хокуклары буенча вәкаләтле вәкиле Игорь Сапкога мөрәҗәгать итеп, 55 ел буе туу турында таныклыксыз яшәве турында сөйләгән. Бу тарих белән Сапко үзенең «ВКонтакте» сәхифәсендә уртаклашкан.
Хатын балигъ булганчы Казанда яшәгән, аның балачак һәм үсмер еллары шунда узган. Әнисе туганнан соң ЗАГС органнарына мөрәҗәгать итмәгәнгә, аңа документлар рәсмиләштерелмәгән.
Туу турында таныклыгы булмау сәбәпле, хатын балалар бакчасына һәм мәктәпкә йөрмәгән, паспорт ала алмаган, рәсми рәвештә эшкә урнаша алмаган, медицина оешмаларына мөрәҗәгать итә алмаган һәм социаль ярдәм чараларыннан файдалана алмаган. Сапко күрсәткәнчә, ул чынлыкта яшәгән, әмма юридик яктан ул «күренмәс» булып калган. Соңрак ул хәтта төзәтү учреждениесендә җәза да үткән.
Юридик статусын торгызу өчен, хатынга миграция мәсьәләләре буенча органнар һәм суд аша озын процедура узарга туры килгән. Бөтен процессны Пермь крае буенча Кеше хокуклары буенча вәкаләтле вәкил командасы озатып барган, документлар белән ярдәм итеп, аның мәнфәгатьләрен судка тәкъдим иткән.
Күптән түгел суд аның гаризасын канәгатьләндергән һәм тууның юридик фактын таныган. Залда хатын елап җибәргән – 55 елдан соң ул беренче тапкыр туу турында таныклыгын алачак.
«Ата-аналар баланың туу турында таныклыгын һәм паспортын рәсмиләштерү формальлек кенә түгел, ә аның киләчәк тормышы һәм иминлеге өчен нигез булуын истә тотарга тиеш. Ваҡытында эшләп бетерелмәгән адым, еллар узгач, бала өчен җитди сынауларга әйләнергә мөмкин!» – дип өстәгән Сапко.
Кызыклы яңалыкларны күзәтеп бару өчен Телеграм-каналга язылыгыз