Мәдәният 16 гыйнвар 2017 21:06

Казанда Туймазы татар драма театры гастрольләре ачылды

Гастрольләр афишасына дүрт спектакль кергән.

Скопировать ссылку

(Казан, 16 гыйнвар, "Татар-информ"). Бүген Казанда И.Абдуллинның "Тиле яшьлек" спектакле белән Башкортстанның Туймазы дәүләт татар драма театры гастрольләре башланды. Башкортстан кунакларын сәламләү сүзе белән Г.Камал театрының зур сәхнәсеннән Россиянең атказанган, Татарстанның халык артисты Хәлим Җәләлов, Татарстанның халык артисткасы Фирая Әкбәрова чыгыш ясады. Бу хакта Г.Камал театрының матбугат үзәге хәбәр итә.

Гастрольләр афишасына дүрт спектакль кергән. 17 гыйнварда 15.00 сәгатьтә кече сәхнәдә Роберт Миңнуллин шигырьләре буенча “Каеннарым белән” шигъри спектакле булачак. Кич, 19.00 сәгатьтә исә зур сәхндә Илгиз Зәйниевнең “Әрем исе” спектакле күрсәтеләчәк.

Гастрольләр 18 гыйнварда Александр Коровкинның “Түтиләр” спектакле белән ябыла.

#Туймазы #Г.Камал театры #Камал театры

Сәхифәләр

Казанда Туймазы татар драма театры гастрольләре ачылды