Хәвеф-хәтәр 4 сентябрь 2018 15:13

Казанда тугыз катлы йорттан альпинист егылып төшкән

Гадәттән тыш хәл Фучик урамында 34 йорт янында булган.

Скопировать ссылку

(Казан, 4 сентябрь, «Татар-информ»). Казанның Идел буе районында тугыз катлы йорттан альпинист егылып төшкән. Бу турыда «Татар-информ»га шаһитлар хәбәр итте.

Ир-ат Фучик урамында 34 йорт янында урнашкан янкорылма түбәсенә егылган.

«Егылган вакытын күрмәдем, әмма бирегә җыелган кешеләр альпинистның югары каттан “Имәнлек” метросы каршына ук егылуын әйттеләр. Аның бавы эленеп тора иде, полицейский түбәдә йөри иде. Мин килгәндә, табиблар китеп бара иде», — дип сөйләде шаһит.

Агентлыкка Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, бирегә килгән коткаручылар ир-атны янкорылма түбәсеннән алганнар һәм табибларга тапшырганнар. Зыян күргән альпинистны хастаханәгә озатканнар.

#егылып төшкән #егылу

Сәхифәләр

Казанда тугыз катлы йорттан альпинист егылып төшкән