Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда троллейбусларның 3 маршрут номеры башкача була
1 майдан гамәлгә керәчәк яңа схемасына 159 берәмлек троллейбустан гыйбарәт 13 маршрут теркәлгән
(Казан, 29 апрель, “Татар-информ”, Миләүшә Низаметдинова). Казанда җәмәгать транспортының 1 майдан гамәлгә керәчәк яңа схемасына 159 берәмлек троллейбустан гыйбарәт 13 маршрут теркәлгән.
Аерым алганда, аңа соңгы елларда ачылган 1 нче “Горький шоссесы – Әмирхан ур.”, 8 нче “Универсиада авылы – Ирек мәйданы”, 11 нче (Кулагин ур. – Универсиада авылы” маршрутлары рәсми теркәлә һәм 3 маршрут номеры үзгәртелә: “Себер тракты – Г.Тукай мәйданы” (боҗра) буенча йөри торган 17 нче троллейбус 15 майдан 2 нче номерга, “Академик Глушко ур.– Елга порты” маршруты буенча йөргән 20 нче троллейбус 3 нчегә, “Елга порты – Академик Глушко ур.” арасында пассажир ташучы 21 нче троллейбус 5 нчегә әйләнә. Калган 10 маршрут - үзгәрешсез, дип белдерде бүген Казан каласы җитәкчелегенең “эшлекле дүшәмбе” киңәшмәсендә шәһәрнең транспорт комитеты рәисе Айдар Абдулхаков. Аның сүзләренчә, артык искергән троллейбусларның 30ы Универсиада алдыннан, төгәлрәге, 1 июльдән яңаларга алыштырылачак.
Кызыклы яңалыкларны күзәтеп бару өчен Телеграм-каналга язылыгыз