Казанда троллейбус этеп баручы ир-ат социаль челтәрләр герое булды
Әлеге видеороликны социаль челтәрләрдән файдаланучылар үз сәхифәләрендә урнаштырган.
Скопировать ссылку
(Казан, 28 август, «Татар-информ»). Троллейбус этеп баручы ир-ат - Казан батыры социаль челтәрләр герое булды. Әлеге видеороликны социаль челтәрләрдән файдаланучылар үз сәхифәләрендә урнаштырган.
Кадрлардан күренгәнчә, бер ир-ат берничә тонна авырлыктагы троллейбусны берүзе этеп бара.
Социаль челтәрләрдән файдаланучыларның кайберләре ир-атның бу гамәленә көлеп кенә караган, кайберләре исә соклануын белдергән. Күпләр әлеге хәлгә шаһит булучыларның берсе дә батырга ярдәм итмәвенә зарланган.
