news_header_top_970_100
news_header_bot_970_100

Казанда трамвай йөри башлауның 110 еллыгы бәйрәм ителә

Тантанада мэр Илсур Метшинның катнашуы көтелә

(Казан, 21 октябрь, «Татар-информ»). Иртәгә, Казанда трамвай йөри башлауның 110 еллыгы уңаеннан, тантана булачак. Сәгать 10да ТР буенча Эчке эшләр министрлыгының Мәдәният үзәгендә башланачак әлеге чарада Казан мэры Илсур Метшин һ.б. рәсми затлар катнашачак, дип хәбәр итә мэриянең матбугат хезмәте.

Казан җитәкчелеге шул уңайдан «Метроэлектротранс» муниципаль унитар предприятиесенең үрнәк эше белән аерылып торган хезмәткәрләре өчен Мактау грамоталары әзерләп куйган, шулай ук Казан мэрының Рәхмәт хатлары да тапшырылыр дип көтелә. Тантана исә Автомобиль транспорты хезмәткәрләре көне алдыннан үткәрелә.
  


news_right_column_1_240_400
news_right_column_2_240_400
news_bot_970_100