Җәмгыять 3 февраль 2010 17:57

Казанда трамвай һәм троллейбус йөртүчеләрне әзерләү дәвам итә

Уку интерактив җиһазлы классларда заманча программа нигезендә оештырылган һәм 10 ай дәвам итәчәк

Скопировать ссылку

(Казан, 3 февраль, «Татар-информ», Ирина Игнатьева). Бүген “Метроэлектротранс” МУП җир өсте һәм җир асты электр транспорты белгечләрен әзерләү буенча һөнәри лицейда трамвай һәм троллейбус йөртүче һөнәрен үзләштерү өчен 50 кеше укый башлады. Бу хакта “Татар-информ” агентлыгы хәбәрчесенә “Метроэлектротранс” МУПнең генераль директорының беренче урынбасары Шамил Гыйльманов белдерде.
Трамвай һәм троллейбус йөртергә казанлылар гына түгел, ә республиканың кайбер районнарында яшәүчеләр дә теләк белдергән, шулай итеп ике төркем оештырылган. Укырга теләк белдерүчеләргә 26-40 яшь. Уку интерактив җиһазлы классларда заманча программа нигезендә оештырылган һәм 10 ай дәвам итәчәк.
Мартта һөнәр училищесына кайчандыр Казаннан киткән Сәмәрканд һәм Бохарадан безнең ватандашлар да киләчәк, дип белдерде Ш.Гыйльманов. Алар лицейда укулар тәмамлангач Казан маршрутларында троллейбус йөртәчәк.

Сәхифәләр

Казанда трамвай һәм троллейбус йөртүчеләрне әзерләү дәвам итә