Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда тоткарланган полиция хезмәткәрләре бүлмәсендә героин табылган
Барлык тоткарланучылар наркотик куллану-кулланмауга юнәлдерелгән медицина тикшерүе уза
(Казан, 29 ноябрь, «Татар-информ»). Казанда тоткарланган полиция хезмәткәрләренең эш бүлмәсендә төрле предметлар табылган.
Россия ЭЭМ ның Баш тикшерү идарәсе матбугат хезмәте белдергәнчә, кичә тоткарланган полиция хезмәткәрләренең эш һәм яшәү урыннары тикшерелгән. Аларның эш бүлмәләрендә героин табылган. Шулай ук башка матдәләр табылган, алар экспертизага юнәлдерелгән.
Барлык тоткарланучылар наркотик куллану-кулланмауга юнәлдерелгән медицина тикшерүе уза.
Фатирларның берсендә теркәлмәгән газ пистолеты, “сер” тамгасы салынган документлар, рөхсәт кагазе булмаган ау коралы табылган.
Хәзерге вакытта тикшерү эшләре бара, аларның нәтиҗәләре буенча бу вәзгыятьтә республика министрлыклары җитәкчеләренең роле бәяләнәчәк.
Россия ЭЭМ ның Баш тикшерү идарәсе коррупциягә каршы чаралар үткәрүдә катнашу максатыннан гражданнардан хокук саклау органнары хезмәткәрләренең хокук бозу гамәлләре трындагы мәгълүмат белән Росссия Эчке эшләр министрлыгының кайнар линия телефонына (495) 667-74-47 яки Россия ЭЭМ территориаль органнары телефоннарына мөрәҗәгать итүләрен сорый.
Кызыклы яңалыкларны күзәтеп бару өчен Телеграм-каналга язылыгыз