Архив 22 сентябрь 2014 11:17

Казанда торак фондының 32 проценты гына җылылык челтәренә тоташтырылган

Торак йортларга массалы рәвештә җылылык бирү бу атнада башкарылачак

Скопировать ссылку

(Казан, 22 сентябрь, “Татар-тинформ”, Лилия Локманова). Үзәкләштереп җылылык бирү сезоны узган атнада рәсми рәвештә ачылган булуга да карамастан, торак йортларның күбесендә әле җылылык юк.

Бүген башкала җитәкчелегенең Казан шәһәре Башкарма комитеты җитәкчесе Денис Калинкин рәислегендә узган “эшлекле дүшәмбе” киңәшмәсендә Казан шәһәре Башкарма комитетының торак-коммуналь хуҗалык комитеты рәисе Искәндәр Гыйниятуллин хәбәр иткәнчә, барлык социаль учреждениеләр җылылык челтәренә тоташтырылган.

“Торак фондына килгәндә, әлегә аның 32 проценты гына җылык челтәренә тоташтырылды. Без басымны социаль учреждениеләргә ясадык, шуңа да торак йортларга җылылык бирү бераз кичектерелде. Торак йортларны җылылык челтәренә массалы рәвештә тоташтыру бу атнада башкарылачак, - диде ул. - Моның өчен барлык документлар да әзер.”

Денис Калинкин исә бу мәсьәләнең бик җитди булуын һәм бу атнада һава температурасы нормадан югарырак торса да, торак йортларга җылылк бирергә кирәклеген ассызыклап үтте.

Сәхифәләр

Казанда торак фондының 32 проценты гына җылылык челтәренә тоташтырылган