Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Томскидан килгән татар артистларын бүләкләделәр
Татар филармониясенең концертлар залында себер татарлары концерт күрсәтте.
(Казан, 28 март, «Татар-информ»). Габдулла Тукай исемендәге Татар дәүләт филармониясенең концертлар залында Татарстан мәдәният министры урынбасары Дамир Натфуллин Томск татар мәдәнияте үзәге вәкилләренә «Мәдәнияттәге казанышлары өчен» мактау грамоталары һәм бүләкләр тапшырды. Бу хакта Татарстан Мәдәният министрлыгы матбугат хезмәте хәбәр итә.
Габдулла Тукай исемендәге Татар дәүләт филармониясенең концертлар залында тантаналы чарадан соң, себер татарлары иң яхшы иҗади номерларын күрсәттеләр, диелгән бу хәбәрдә.
Казан халкын Себер татарлары иҗаты белән таныштыру карары 2018 елның ноябрендә үк Татарстан Президенты Рөстәм Миңнехановның Томскида татар җәмәгатьчелеге белән очрашуы вакытында кабул ителде. Ул җирле татар мәдәният үзәгенең 25 еллыгын бәйрәм итүгә туры килде.
"Үзәк Томск өлкәсендә татар мәдәниятен, телен, гореф-гадәтләрен, бәйрәмнәрне һәм милли ризыкларны саклый һәм пропагандалый. Хәзер ул 15 коллектив һәм клуб эшчәнлеген үз эченә ала. Аларның иң яхшы номерлары Габдулла Тукай исемендәге Татар дәүләт филармониясе сәхнәсендә тәкъдим ителде", диелгән министрлыкның хәбәрендә.
Кызыклы яңалыкларны күзәтеп бару өчен Телеграм-каналга язылыгыз